IÑAKI BERECIARTUA, DANBOR NAGUSI BERRIA IZATEKO HAUTATUA
2020(e)ko Irailak 21
SAMUEL GRIJALBA, ARTILLERIAKO KAPITAIN BERRIA
2020(e)ko Irailak 21
Ekainaren 29ko eta 30eko zaldiak kudeatzen dituen taldeko kidea da
Jose Mari Gonzalez Jimenez, 55 urtekoa, Zalditeriaren Eskoltako Kapitaina izateko berrautatua izan da larunbat honetan, irailak 19, ospatu diren hauteskundeetan, posta bidezko botoen bidez (parte-hartzea errazteko, egungo egoera kontuan hartuta) eta Agintarien Batzarrak Dumboa kalean duen lokalean aurrez aurre emandakoen bidez.
1990ean eman zuen izena Zalditeriaren Eskoltan eta 2001ean desfilatu zuen lehen aldiz. Unitate honetan irten aurretik, Real Union eta Santiago Konpainietan desfilatu zuen. 2006 eta 2012 artean Zalditeriako sarjentua izan zen eta 2013 eta 2016 artean tenientea. 2014ko ekainaren 29an eta 30ean Zalditeriaren Laguntzaile gisa jardun zuen, Iñaki Camararen ordez, ezinbesteko kausak zirela. 2017tik kapitaina da.
Jose Mari Gonzalezek esan duenez, “harro egoteko modukoa da azken urteetako lanari jarraipena emateko norberarengan konfiantza jasotzea”. Ekainaren 30eko ekitaldi sinboliko berezian “Zalditeriaren Eskolta eta Irungo Herria” ordezkatzeko aukera izatea gogorarazi du.
Jose Mari Gonzalez Armen Ikuskatzean eta San Martzial Alardean desfilatzen duten zaldiak kudeatzen dituen taldeko kidea da.
