DANIEL LANCHAS, SAN MIGUEL KONPAINIAKO KAPITAIN BERRIA

Karguan Juanma Crespo ordezkatuko du

Daniel Lanchas Bay, 54 urtekoa, San Miguel Konpainiako Kapitain berria izendatu dute ostiral honetan.

Lanchasek San Miguel Konpainian desfilatu izan du beti, 1986an partxearekin hasita. Bi urtez jo zuen tresna hori, eta, ondoren, erredoblera igaro zen (1988-2015). 2016 eta 2019 urteen artean alfereza izan zen Paco Almendres kapitainarekin, eta 2020 eta 2023 artean tenientea izan zen, Juanma Crespo kapitain zuela. 2024an soldadu armatu gisa desfilatu zuen eskopetarekin.

Daniel Lanchasentzat San Miguel Konpainiako Kapitaina izatea “ohore handia da. Ez nuke inoiz imajinatuko. Erantzukizun hori izatea erronka handia da beti konpainiarekin buru-belarri aritu diren auzo eta lankideen aurrean”.