2024ko SAN MARTZIAL ALARDEAREN BALORAZIOA

Agintarien Batzordeak eta Alardeko Batzordeak Alardeko balorazioa egin dute

Beste urtez, Alardearen Batzordeak eta Agintarien Batzordeak, konpainiekin, unitateekin eta elkarte laguntzaileekin egin beharreko bilerak aurrera eraman ondoren, 2024ko Alardea publikoki baloratu nahi dute. Izan ere aurten berriro Irungo Herriak bere borondatea zein den erakutsi du berriro, eta Asier Etxepare San Martzial Alardeko Jeneral karguan lehen aldiz atera da.

6.867 soldadu abiatu ziren Arrankadatik San Martzial Egunaz gozatzera eta gure arbasoei emandako hitza betetzera, milaka eta milaka emakume eta haur San Martzial Alardearekiko duten sentimendua zein den ikusaraziz. Zinhitza ermitan bete zen bataila eta 502 urtetara, guk ikasi dugun bezala eta etorkizunean egiten jarraitzea nahi dugun bezala. 19 kantinera eta haien familiei, eskerrik asko zuen zorionagatik eta batzen gaituen sentimendua transmititzen jakiteagatik.

Aurten ere errespetua eskatu da San Martzial Alarde eta Irungo Herriaren Borondatearekiko. Asier Etxepare Jeneralak ekainaren 28ko kantineren aurkezpenean adierazi zuen bezala, “errespetua eskatzen dugu, guztiok San Pedro eta San Martzial egunetan goza dezagun, gure arbasoek transmititu ziguten moduan”. Eta, aurten ere, errespetu hori argi geratu da herritarren aldetik, espaloietatik San Martzial Eguna ulertzeko beste modu batzuk lasaitasunez errespetatzen jakin baitute. Alardearen zain orduak eta orduak ematen dituzten emakume eta gazteentzat, eskerrik asko bihotz-bihotzez.

Covid-19aren pandemiak San Martzial Alardean eragina izan zuen, herritarren eguneroko alderdi guztietan bezala. Bi urte geroago, esan dezakegu Agintarien eta Alardearen Batzordeek antolatutako ekitaldi guztietako parte-hartzaileen eta ikusleen kopuruak gora egiten jarraitzen duela, San Martzial Egunean eta Alardealdian ikusi ahal izan zen bezala. Alardealdiak 25 urte bete zituen, parte-hartze eta diru-bilketa datuen errekorrarekin eta bazkaria eta jarraian egindako festa paregabeak izan ziren lehen aldiz Ficobako bi pabiloiak betez. Beste behin ere, eskerrik asko, Irun!

Antolakuntzaren aldetik ez da urte erraza izan, baina ikasturteko bilera guztiak tropen eta Alardeko agintarien lan onean islatu dira. Armei buruzko europar araudiak soldadu armatuekin lan gehiago egitera behartu zuen, eta emaitza ezin hobea izan da eta aurreikuspenak gainditu dira. Konpainia guztiek baimendutako eskopetekin desfilatu dute San Martzial Alardean eta soldadu armatuen kopuruak gora egin du, azken urteetan baino parte-hartze handiagoa egon baita San Juan plazako eta Junkal plazetako deskargetan. Gainera, animalien ongizateari buruzko balorazio positiboa egin da bigarren urtez, eta bi eremu horietan behar ziren erakundeekin lankidetza sendoa egon da beti.

Ez gara nekatuko eta esaten jarraituko dugu San Martzial Alardea ulertzeko gehiengoaren modua ordezkatzen dugula, herriak bermatutako zilegitasun juridiko eta independentzia ekonomiko guztia daukagula, zenbait jardueratan bere ekarpenekin sostengatzen duena. Herriaren nahia lelopean, herritarrek argi utzi dute, beste behin ere, San Martzial Alardearen inguruan duten ikuspuntua, eta jarrera hori gizarteko eragile guztiek errespetatu behar dute, baita erakunde publikoek ere.

Eta borondate hori guztia sare sozialetan ere eman da, non jarraitzaileen kopuruak gora egin duen urtebetean, bereziki azken hilabete t’erdian, modu esponentzial eta imajinaezinean. Gaur egungo mundu digitalean, jarraitzaileen datuek (22.500 baino gehiago Twitter, Facebook, Instagram, TikTok eta WhatsAppeko kanal berrian) eta ikustaldi kopuruak (100.000 erreprodukziotik gorako bideoak) ere garrantzi handia dute. Komunikazio taldea handituz joan da profesionalekin, gazteekin eta adituekin, eta emaitzak ikusi besterik ez dago.

Bukatzeko, Aginte eta Alardearen Batzordeek Irungo Herria zoriondu nahi du, bere lekuan egoten jakin izan eta San Martzial Alarde berezi eta bikaina egiteagatik. Beste urte batez bete dugu gure arbasoek emandako hitza, errespetutik eta baketik, urrats bakoitzean gure artean ez dauden pertsona guztiak gogoratuz. Orain atseden hartzeko unea da eta irailean, kapitain berrien hauteskundeekin, ikasturte berri bati hasiera emango zaio, 2025eko San Martzial Alardearena.